വാമൊഴി വരമൊഴി -ഈ മൊഴി ഒരു തേന്‍ മൊഴി !! അറിയുമോ നിങ്ങളെന്നെ ? പലനാള്‍ മറക്കുവാന്‍ ശ്രമിച്ചെങ്കിലും ഇടയ്ക്കെപ്പോഴോ ഓര്‍മ്മ വന്നു-പഴമ ജീര്‍ണിച്ച വഴിത്താരയില്‍, പകല്‍ വറ്റിയ മൂവന്തിയില്‍-പലരുമെന്നെ കണ്ടെങ്കിലും, അറിഞ്ഞതില്ല ആര് ഞാനെന്നു-തുടിക്കുന്ന കവിളിണ- വഴിമാറി ചുളിവുകള്‍ വീണതാം, കറുത്ത് ഇടതൂര്‍ന്ന വാര്‍മുടി ആകെ നരച്ചതാം - ഈ മുഖം നിങ്ങളോര്‍ക്കുന്നുവോ- ഇനിയെങ്കിലും ഒന്ന് പറയുമോ?- ജീവിച്ചിരിക്കുന്നുവെന്ന് ഞാനൊനൊന്നു കൊതിക്കട്ടെ -എനിക്കുമുണ്ടായിരുന്നു ഒരു കാലമെന്ന് ഒന്ന് വെറുതേ ഓര്‍ത്തു രസിക്കട്ടെ - പ്രണയം ഒളിപ്പിച്ചു വച്ച നിന്‍ മിഴികളെ തേടിയുള്ള എന്റെ യാത്ര ഇന്നിവിടെ തീരും മുന്‍പേ നീ ഒന്ന്- മൊഴിയുമോ, നീ എന്നെ അറിയുമെന്ന്.. ഒരിക്കല്‍ കൂടി എന്റെ യൌവ്വനം നിന്നിലെ ആസക്തി ആയി നുരയട്ടെ! ഞാനും നിന്നെ ഒന്നറിയട്ടെ !! ഇനിയെങ്കിലും ഒന്ന് പറയുമോ ? എന്നെ നീ അറിയുമെന്ന്?