മാറിയ നഗര മുഖം
മനസ് പണയം വച്ച് നേടിയ കാശിനു -
ഞ്യാന് വാങ്ങി നല്ലൊരു കറുത്ത കണ്ണട-
അത് വച്ച് ഞ്യാന് കണ്ട കാഴ്ചകള്!!!!
ഉടല് നഷ്ട്ടപ്പെട്ട ഒരു ശരീരം !
ശീല നഷ്ട്ടപ്പെട്ട ഒരു പെണ്ണ് !
ഒട്ടിയ വയറുമായി എനിക്ക് നേരെ കയ് നീട്ടുന്ന ഒരു തെണ്ടി ചെറുക്കന് !
ചുമച്ചും കുരച്ചും പാത വക്കില് നീട്ടി തുപ്പിയിരിക്കുന്ന ചില വാര്ദ്ധക്ക്യങ്ങള്!
പുലഭ്യം പറഞ്ഞും ,ആടിയും, രസിച്ചും ,മൂട സ്വര്ഗത്തില് രാത്രി പകലാക്കുന്ന മദ്യപാനികള് ..
നഗരത്തിന്റെ മുഖം മാറി ... ചോരയുടെ മണം, ചീഞ്ഞളിഞ്ഞ ഓടയില് നിന്നും ഉയരുന്ന ദുര്ഗന്ധം ...
ചുറ്റിനും രക്ത ദാഹികളായ കൊതുകുകള് !
ഇരുട്ടിലെവിടെയോ മൂര്ച്ചകൂടി ഒരുക്കുന്ന ഒരു വാളിന്റെ വായ്ത്തല മിന്നി മറഞ്ഞു ...
നഗരത്തിന്റെ മുഖം മാറി ...!
എവിടെയോ ഒരു മുധ്രവാക്യത്തിന്റെ അലയൊലി ..
പല വര്ണ്ണ കൊടികള് അണികള്ക്ക് മാത്രം നിറം ഒന്ന് ...മനുഷ്യന്റെ നിറം ...
അണികള് ഒഴുക്കുന്ന ചോരക്കും ഒരു നിറം ,ചുവപ്പ് നിറം !
പെരുകി ഒഴുകുന്ന പണം!
അത് കൊടുത്തു വാങ്ങിയ സ്ഥാനമാനങ്ങള് !
കൂലി തല്ലുകാര് !
മതം, മരവിച്ച മനസിന്റെ കണ്ണാടി പോലെ തിളക്കം നഷ്ട്ടപ്പെട്ടു -വിശ്വാസങ്ങളെ ചീത്ത വിളിക്കുന്നു !
ആരാണ് വിശ്വാസി ,ആരാണ് അവിശ്വാസി ?..
അമ്മയെ വിറ്റു- വൃദ്ധ സദനത്തിന് കടത്തിണ്ണയില്,മുപ്പതു വെള്ളികാശിനു-
പെങ്ങളെ കൂട്ടികൊടുത്തു അതും മുപ്പതു വെള്ളികാശിനു ...
സ്വയം വ്യഭിചരിച്ചു, ആ മുപ്പതു വെള്ളികാശും കൈവിട്ടുകളഞ്ഞു !
സ്നേഹം വറ്റിയ കണ്ണുകളുള്ള കുരുന്നു ജീവനെ- അടക്കം ചെയ്തു ..
ഒരു ചെറിയ ശവപ്പെട്ടിയില്!!
ചുറ്റും പൂക്കളില്ല ! ശവമാടത്തിന്റെ പ്രതാപങ്ങള് ഒന്നും ഇല്ല ...
നിശ്ചലത! നിശ്ചലത! തെരുവ് പട്ടികള്ക്ക് പോലും മൌനം !
ഈ മൌനത്തെയാണ് ഞ്യാന് വെറുക്കുന്നത്,
നഗരത്തിന്റെ മൌനം വരാന് പോകുന്ന വലിയ ഒരു ആപത്തിന്റെ മുന്നോടി അത്രേ !
എന്റെ കണ്ണട ഞ്യാനിവിടെ ഊരി എറിയുന്നു ...
ഇനിയും ഈ കാഴ്ചകള്!! എനിക്ക് മരണ തുല്യം !
No comments:
Post a Comment