ജനി മൃധി 
കാറ്റായും, മഴയായും നീ എന്നിലേക്ക്‌ പെയ്തിറങ്ങുക - 
എന്റെ ചോര പൊടിക്കുന്ന ഹൃദയം 
നിന്റെ കൈകുമ്പിളില്‍ വാരിയെടുത്ത് 
നിന്റെ ഹൃദയത്തോട് ചേര്‍ത്തു വയ്ക്കുക! 
അതിന്റെ ഓരോ തുടിപ്പുകളിലും , 
ഓരോ പിടച്ചിലിലും നിന്നെക്കുറിച്ചുള്ള സ്വപ്‌നങ്ങള്‍ തുന്നിച്ചേര്‍ത്തു വച്ചിട്ടുണ്ട് , 
അവ കണ്ടു മാഞ്ഞ വിനാഴികകള്‍ എഴുതി വച്ചിട്ടുണ്ട്..
കുത്തി നോവിച്ച മുള്ളുകളും , പൊലിഞ്ഞു പോയ മോഹങ്ങളും കൂട്ടിവചിട്ടുണ്ട് ,
 ഒരു നിമിഷത്തിന്റെ ചപലത വരുത്തിയ വൈകല്ല്യം 
ഒരു ജന്മം കൊണ്ട് മായ്ച്ചു കളഞ്ഞു നീ ഒന്ന് മെനയണം 
നല്ല മാംസളവും , മൃദുലവും ആയ മറ്റൊരു ഹൃദയം! 
വാളിനേക്കാള്‍ മൂര്‍ച്ചയുള്ള വാക്കാം 
അസ്ത്രം തറക്കുമ്പോള്‍ ചോര ചെനക്കാത്ത ,
കണ്ണ് നീര് ജനിക്കാത്ത , ഒരു കവി ഹൃദയം!